გაკვეთილის გეგმები

საკვები და საჭმლის მონელება

საგანი:   ბიოლოგია

კლასი:   X

1.    სახელი და გვარი	ვიოლეტა სინატაშვილი
2.    თემის სახელწოდება	საკვები და საჭმლის მონელება
3.    3. გაკვეთილის სასწავლო მიზნები	მოსწავლემ სქემატურად ასახოს ნივთიერების გზა საჭმლის მომნელებელი სისტემიდან უჯრედებამდე; დაასაბუთოს მიღებული საკვებიდან ინდივიდისათვის დამახასიათებელი ნივთიერების აწყობის პრინციპი; შეძლოს იმსჯელოს T –სა და PH–ის ზემოქმედებით ფერმენტული აქტივობის ცვლილებაზე და შეძლოს მონაცემთა წარმოდგენა სხვადასხვა საკომუნიკაციო საშუალების გამოყენებით; გააცნობიეროს სისხლის მიმოქცევის სისტემის მნიშვნელობა მონელებული საკვების ათვისებაში.
4.    სწავლის შედეგები	მოსწავლე სქემატურად ასახავს ნივთიერების გზას საჭმლის მომნელებელი სისტემიდან უჯრედებამდე; ასაბუთებს მიღებული საკვებიდან ინდივიდისათვის დამახასიათებელი ნივთიერების აწყობის პრინციპს;  მსჯელობს T –სა და PH–ის ზემოქმედებით ფერმენტული აქტივობის ცვლილებაზე და შეუძლია მონაცემთა წარმოდგენა სხვადასხვა საკომუნიკაციო საშუალების გამოყენებით; აცნობიერებს სისხლის მიმოქცევის სისტემის მნიშვნელობას მონელებული საკვების ათვისებაში.
5.    მიმდინარეობა (აქტივობა და დრო)	წინა გაკვეთილის საშინაო დავალების პრეზენტაცია, შესწავლილი მასალის შეხსენება– 7–8 წუთი გაკვეთილის თემის გაცნობა– (გამოწვევა) არსებული ცოდნისა და შთაბეჭდილებების გააქტიურება (გონებრივი იერიში: მოსწავლეები იხენებენ როგორ ხდება ნივთიერებათა ტრანსპორტი უჯრედებში, რა არის დიფუზია და ოსმოსი; როგორ მიმდინარეობს ანაბოლიზმი და კატაბოლიზმი და რა მნიშვნელობა შეიძლება ჰქონდეთ საკვების მონელებაში; როგორი აგებულება აქვს ფერმენტს და როგორ გარემოში ხდება ფერმენტული აქტივობის ცვლილება და ა.შ.) – 6–7 წუთი ახალი მასალის წარდგენა; უკვე გაღვიძებული ინტერესის შენარჩუნება და განმტკიცება – პროექტორისა და საჭმლის მომნელებელი მოდელის საშუალების ადამიანის  საწმლის მომნელებელი ტრაქტის აღწერა, ფერმენტების მოქმედების განხილვა საკვების მონელების პროცესში.– 15 წუთი დასკვნითი ნაწილი – მოსწავლეები ახდენენარსებული და ახლად მიღებული ცოდნის გამთლიანებას. ჯგუფურად მსჯეობენ სწორი კვების „+“ და „–„ მხარეებზე (T დიაგრამა) და ახდენენ აზრთა მიმოცვალას (მინი დისკუსია) – 10 წუთი. საშინაო დავალება – მოსწავლეებმა წამოადგინონ პროექტები თემებზე; „ გლუკოზის გარდაქმნის გზები და მისი გავლენა დიაბეტის ჩამოყალიბების პროცესზე“, „ცხიმოვანი საკვების აუცილებლობა ნაღველ–კენჭოვანი დაავადებების დროს“. – 5  წუთი
6.    შეფასება	განმსაზღვრელი– საშინაო დავალების პრეზენტაციის დროს; დაკვირვება–მოსწავლეთა აქტიურობაზე ახალი მასალის წარდგენის პროცესში; განმავითარებელი – სავარჯიშოების შესრულების დროს.
10. რესურსები	ნოუთბუქი; პროექტორი; თვასაჩინოება – ადამიანის საჭმლის მომნელებელი სისტემის მოდელი.
	ინფორმაციის წყარო (ნაბეჭდი, ელექტრონული და სხვა..) ეროვნული სასწავლო გეგმა–2011–2016წწ – საგნობრივი პროგრამა ბიოლოგიაში; საგნობრივი გზამკვევი მასწავლებლებისთვის –ბიოლოგია; X კლასის ბიოლოგია (ნ. ზაალიშვილი; ნ. იოსებაშვილი); მასწავლებლის ბიბლიოთეკა – ბიოლოგია 2011 წელი;  ელექტრონული რესურსები გადმოწერილი Youtube.com - დან.